السبت، 1 يناير، 2011

مسلمين ومسيحين


إحنا اخوات فى البلد دى عايشيين

جيين ملايين .. بنقول حالفين ..لنصون العهد ليوم الدين

جمب بعض ..اخوات بجد .. مسلمين ومسيحيين

فيكو المسيح موجود .. فينا النبى موجود

وربكم وربنا واحد إله معبــــــــــــــــود

لا جرحنا يوم فى صليب ولا قولنا فيكم عيب

والداخل ما بيننا عشان يفرقنا هو الغريب

إمحو الظلام شيلو الغمام من ع العيون

وفى سبيل حب البلد دى إرفعو غصن الزتون




مهو المسيح لا عمره ضر ولا حب شر ولا داس ع الغير

وإحنا عشان اللى ما بيننا والنيل وسيط الخير

مستنيين فوقة تقول .. للدنيا دول مش مننا

لا اهلكم ولا أهلنا .. ولا دمكم ولا دمنا

دول اللى عاوزين يفرقونا عن بعضنا

وعشان تبقى الحكاية مفهومة من البداية

خلينا كدا واقفين أيد واحدة للنهاية

سيبو الزمن يحكى قصة بلد هتعيش

مهما السنين بتفوت انا وطنى زيه مفيش

ويا رب تهدى قلوبنا .. وتعلى فينا الروح

نسمع لصوت وحدتنا .. وكفايا نزف جروح

وخلاص يا مصرى من النهاردة باب التاريخ مفتوح

مهو احنا إخوات فى البلد دى عايشين

جمب بعض إخوات بجد مسلمين ومسيحين

ليست هناك تعليقات: